«Қазақстан халқы Ассамблеясы туралы» 2018 жылғы 27 сәуірдегі № 149-VІ Қазақстан Республикасының Заңына енгізілген өзгерістер мен толықтыруларға сәйкес Ассамблеяның құрамына қоғамдық аккредиттеу рәсімінен өткен этномәдени бірлестіктер кіреді.
Этномәдени бірлестіктердің қоғамдық аккредиттелуі Қазақстан халқы Ассамблеясы Кеңесінің 2018 жылғы 20 қарашадағы № 18-35-4.3 шешімімен бекітілген Этномәдени бірлестікті қоғамдық аккредиттеу тәртібіне қатаң сәйкестікте жүргізіледі.
Сонымен қатар, Қазақстан халқы Ассамблеясы Кеңесінің 2018 жылғы 20 қарашадағы № 18-35-4.3 шешімімен ҚХА этномәдени бірлестіктерге қоғамдық аккредиттеу жүргізу кестесі бекітілді:
|
Іс-шараның атауы |
Іске асыру мерзімі
|
|
Этномәдени бірлестіктердің қоғамдық аккредиттеуге өтініштерін қабылдау |
2019 жылғы сәуір
|
|
Қоғамдық аккредиттеу жөніндегі өңірлік комиссиялардың отырыстарын өткізу |
2019 жылғы мамыр-маусым |
|
Қазақстан халқы Ассамблеясының этномәдени бірлестіктері тізіліміне енгізу |
2019 жылғы шілде |
Қоғамдық аккредиттеуге қатысу және Тізілімге ену үшін этномәдени бірлестік Комиссияға (жергілікті комиссия) мынадай құжаттарды ұсынады:
1) Этномәдени бірлестікті қоғамдық аккредиттеу тәртібінің №1 қосымшасына сәйкес нысан бойынша өтініш;
2) Қазақстан Республикасында бірлестікті заңды тұлға ретінде мемлекеттік (есептік) тіркеу (қайта тіркеу) туралы куәліктің көшірмесі;
3) бірлестіктің филиалдарын заңды тұлға ретінде мемлекеттік (есептік) тіркеу (қайта тіркеу) туралы куәліктің көшірмесі;
4) этномәдени бірлестіктің құрылтай құжаттарының (жарғы, ереже, құрылтай жиналысының хаттамасы) көшірмелері;
5) этномәдени бірлестіктің филиалдарын құру туралы азаматтардың конференциялары (жиналыстары) хаттамаларының көшірмелері;
а) республикалық бірлестік республика облыстарының жартысынан көп хаттамаларды ұсынады;
б) өңірлік бірлестік республиканың екі не одан да көп облысынан хаттамалар ұсынады;
6) қоғамдық бірлестіктің, филиалдың басқарушы органының орналасқан жерін растайтын құжат;
7) Этномәдени бірлестікті қоғамдық аккредиттеу тәртібінің 2-қосымшасына сәйкес қоғамдық бірлестіктің, филиалдың төлқұжаты.
Республикалық және (немесе) өңірлік этномәдени бірлестікке қоғамдық аккредиттеу жүргізу өтінішіне бірлестіктің құрылымдық бөлімшелерін, филиалдарын аккредиттеу туралы өңірлік комиссиялардың шешімдері қоса беріледі.
Этномәдени бірлестікті қоғамдық аккредиттеу мәселелері бойынша Қостанай облысы әкімдігінің «Қоғамдық келісім» коммуналдық мемлекеттік мекемесіне жүгіну қажет.
