Достық үйінде Ақсақалдар кеңесінің отырысы өтті.

ККО мүшелері жыл қорытындысын шығарып, 2025 жылға жаңа жобалар жоспарлады.

Отырысқа ақсақалдар, этномәдени бірлестіктердің өкілдері, ардагерлер кеңесі мүшелері қатысты.

Осы жылы «Бейбітшілік пен келісім» жобасы іске асырылды, оның аясында Ақсақалдар кеңесі мүшелері 4 қаланы, 16 ауданды аралап, облыстың 27 ауылында 40 еңбек ұжымымен кездесті, 114 ауылдық округті жұмыспен қамтыды.

Кездесулер барысында жолдардың жай-күйінен бастап ауылдық амбулаторияға жедел жәрдем сатып алуға дейінгі әртүрлі тақырыптар бойынша 100-ден астам сауалдар алынды. Мәселелердің 87% - ы Ақсақалдар кеңесі мүшелерінің көмегімен шешімін тапты, қалғандары қарастырылуда. Ақпараттық-түсіндіру кездесулері барысында барлығы 20 мыңнан астам адам қамтылды.

Сондай-ақ, Ақсақалдар кеңесі "Адал Азамат" жобасы аясында ақпараттық-түсіндіру іс-шараларын өткізді, онда әртүрлі алаңдарда патриотизм, әділдік, кәсіпқойлық, үнемділік, еңбекқорлық, өз елі мен отбасы алдындағы жауапкершілік сияқты адамның ең асыл қасиеттері туралы пікір алмасулар болды.
Барлығы 40-қа жуық кездесулер ұйымдастырылды.