Биылғы жылы еліміздегі су тасқыны жағдайына байланысты этнос өкілдерінің жыл сайынғы кездесуі онлайн тәптіпте өткізілді.

Отырыс Президент Қасым-Жомарт Тоқаевтың төрағалығымен өтті.

Мемлекет басшысы өз сөзінде атап өткендей, бүгінде бүкіл әлем түрлі табиғат апаттарына тап болып,  Қазақстан да қатерден тыс қалған жоқ. Еліміздің көптеген аймақтарында бұрын-соңды болмаған су тасқыны болып жатыр. Қасым-Жомарт Кемелұлы тпбмғат апатымен күрес кезінде өзінің белсенді азаматтық ұстанымын көрсеткен барлық этномәдени топтарға және еріктілерге зор алғысын білдірді.

Сондай-ақ, ол Ассамблеяның жастарды идеологиялық сипатта тәрбиелеу мәселелеріне баса назар аударатынын атап өтіп, достық үйлері қоғамдық кездесулер мен талқылаулар өтетін, жаңа идеялар мен бастамалар туатын заманауи комьюнити-орталықтарға айналуы тиіс деген пікір білдірді.

Президент өз сөзінен кейін халықтар арасындағы бейбітшілікті, достық пен ынтымақтастықты нығайтуға, сондай-ақ мемлекеттік тілді дамытуға сіңірген еңбегі үшін мемлекеттік наградаларды табыс етті. Мәселен, «Шапағат» медалімен Қазақстан Республикасы Ұлттық ұланы, Қостанай 6697 ә/б бөлімшесінің командирі Кирилл Пономаренко марапатталды.