Қостанай облысы ҚХА Этномедиация кеңесінің мүшелері 2024 жылғы жұмысын қорытындылады. 

Қостанай облысы әкімдігі ҚДБ «Қоғамдық келісім» КММ басшысы Наталья Рамазанова атап өткендей, қоғамдық медиаторлардың биылғы қызметі өте жемісті болды: этномедиация институтын дамыту бойынша 74 түрлі форматтағы іс-шаралар өткізіліп, облыс тұрғындарымен Қазақстан халқының бірлігін нығайтуға бағытталған 237 кездесу ұйымдастырылды, 6 жоғары оқу орны, 10 арнайы орта оқу орындарында этномедиация бойынша шолу дәрістері оқылып, әлеуметтік желілерде 40 мыңнан астам қаралым жинаған 48 жарияланым орналастырылды.

ҚХА медиаторлары мектеп оқушыларымен де ауқымды жұмыс атқарды. «Мектеп этномедиациясы және халықтық дипломатия» оқыту семинар-тренингтері аясында жалпы білім беретін мектептер базасында 8 кездесу өткізілді.

Сондай-ақ, аудан орталықтарының белсенді жастары, ақпараттық-түсіндіру топтарының, этномәдени бірлестіктердің өкілдері үшін этносаралық қақтығыстарды шешу және алдын алу дағдыларын дамыту бойынша 2 үлкен семинар-тренинг өткізілді. 

Кездесу барысында Этномедиация кеңесінің жұмысын жақсарту бойынша ұсыныстар талқыланды. Мысалы, тәжірибе алмасу үшін медиаторлар клубын құру, мектеп оқушыларымен нәтижелі жұмыс атқару үшін білім басқармасымен меморандумға қол қою, ауылдық округтерде медиаторлар үшін көшпелі семинарлар ұйымдастыру, этномедиация тақырыбы бойынша қызықты подкасттар түсіру. 

Іс-шара соңында Этномедиация кеңесінің белсенділері облыстық ҚХА алғыс хаттарымен марапатталды.