Бүгін қатысушылар алдында Қостанай облысы ҚХА ғылыми-сараптамалық тобының төрағасы, “ЧелМУ" Қостанай филиалы директорының ғылыми жұмыс жөніндегі орынбасары, философия ғылымдарының кандидаты Денис Качеев сөз сөйледі. Ол Қостанай облысындағы этносаралық қатынастардың қазіргі жағдайы, этникалық стереотиптер және олардың этносаралық қатынастарға теріс әсері туралы баяндап берді. 
Күннің екінші жартысында Шырақбек Қабылбаев атындағы "ҚР ІІМ Қостанай академиясы" Педагогика және психология кафедрасы бастығының орынбасары Жанна Руденко баяндама жасады. Ол семинар тыңдаушыларына конфликтологиядағы негізгі ұғымдарды, этносаралық қақтығыстардың типологиясы мен нысандарын, сондай-ақ жанжалдың өршуіне жол бермеу әдістерін түсіндірді.