Облыстық Қазақстан халқы Ассамблеясы әртүрлі этнос өкілдеріне арналған «Мемлекеттік тілге жеті қадам» атты тұңғыш форумды өткізді.

Барлық аудандардан 200-ден астам балалар мен ұстаздарды жинаған ауқымды іс-шара 7 айға созылған жобаның қорытындысы болды. Осы уақыт ішінде мемлекеттік тілді үйрену бағытында белгілі бір жетістіктері бар балалар сабақ өтіп, кураторлардың тапсырмаларын орындады.

Форумды Қостанай облысы әкімдігі қоғамдық даму басқармасының басшысы Марат Жұрқабаев өзінің құттықтау сөзімен бастады. Ол бүгінде мемлекеттік тілді меңгерген өзге ұлт өкілдері көбейіп келе жатқанын және қазақ тілін үйренуге ұмтылатын түрлі этникалық топтардың жастарын қолдау - біздің ортақ міндетіміз екенін атап өтті.

Сондай-ақ, форум аясында балаларға арналған секциялар ұйымдастырылып, Астана мен Алматы қаласынан келген қазақ тілді спикерлер өз баяндамаларын оқыды. Спикерлер қатарында «Qazaqstan» телеарнасының жүргізушісі Алла Гаврина, Астана қаласының жастар этномәдени бірлестігінің төрағасы Юлия Лагуткина және домбырада ойнайтын шоумен Крис Блэк болды.

Форум ауқымды марапаттау рәсімімен аяқталды, онда жобаның барлық қатысушылары мен олардың педагог-кураторлары бағалы сыйлықтармен марапатталды. Ал ең белсенді, талапты және ынталы он оқушы елордаға экскурсиялық сапарға сертификаттарға ие болды.

https://www.instagram.com/p/CxvMtO5NNW0/

https://www.instagram.com/p/CxvXDVftZLy/

https://www.instagram.com/p/CxvcDfQthii/

https://www.instagram.com/p/CxveknUt3qL/