Достық үйінде қазақтар мен башқұрттардың туыстық этникалық байланыстары мен мәдениеттерінің ұқсастығы туралы сөз қозғалды.

Тілдер күніне арналған дөңгелек үстелді «Азатлык» башқұрт қауымының белсенділері өткізіп, бұл отырысқа А. Байтұрсынов атындағы ҚӨУ филологтарын қонаққа шақырды.

ЭМБ төрағасы Салават Вальшин өз құттықтау сөзінде башқұрттар мен қазақтар өздерінің кең байтақ туған жерлерін қорғайтын жауынгерлер атағын жеңіп алған мақтан тұтарлық түркітілдес халықтар екенін атап өтті.

 - Біздің мәдениетіміз қос халықтың көшпелі және жартылай көшпелі өмір салтын жүргізіп, киіз үйлерде тұрғанымен ұқсас, - деп атап өтті төраға орынбасары Фирдаус Дик. - Сондай-ақ, біздің дастарханымыздан да жылқы еті, қой еті, қазы, қымыз және айран табылады. Ал ең басты ұқсастығымыз, дәстүрлі тағам — бешбармақ, бірақ бізде оны көбінесе пісірілген картоппен бірге ұсынады. Башқұрт тілі де қазақ тіліне өте ұқсас, көптеген сөздеріміз бірдей естіледі.

Бұған көз жеткізу үшін ұйымдастырушылар қонақтармен қызықты интерактив өткізген болатын, онда башқұрт сөздерін ұғынып, ұқсас қазақ сөзін атау керек болды. Қатысушылар өздерін аудармашылар рөлінде сәтті сынап көрді.