2016 жылдың 1 наурызында сағ.11.00 Қазақстан Республикасының Тұңғыш Президенті – Елбасының кітапханасында Мемлекет басшысының қатысуымен Алғыс айту күніне арналған іс-шара өткізілді.

Іс-шара аясында Алғыс айту күніне арналған «Тарихтан тағылым – өткенге тағзым» – «Память во имя будущего» экспозициясы өз жұмысын бастады.

2016 жылғы 14 қаңтарда Елбасы Нұрсұлтан Әбішұлы Назарбаев өзінің Жарлығымен Қазақстан халқы Ассамблеясының құрылған күні 1 наурызды Қазақстанда Алғыс айту күні деп бекітті.

Қазақстан халқы Ассамблеясының 20 жылдығына арналған ҚХА-ның XXII сессиясында, қазіргі Қазақстанды мекендеген этностық топтардың ортақ тарихи тағдыры халықтың ділінде, өмірге деген көзқарастары мен ұмтылыстарында жағымды көрініс тапты, барлық этностарға бірдей ортақ құндылықтар мен идеалдарды қалыптастырды,  -  деп атап өтті Мемлекет басшысы.  

Алғыс айту күні – бұл, алдымен бейбітшілік пен келісім саясатының нәтижесінде еліміздің ырысы мен ынтымағы, бірлігі мен тірлігі жарасқан еліміз үшін Президентімізге шынайы алғысымыз бен ыстық ықыласымыздың белгісі.

Іс-шараға Қазақстан халқы Ассамблеясының, «Нұр Отан» партиясының мүшелері, этномәдени бірлестіктер, ғылыми және шығармашыл зиялы қауым өкілдері және жастар қатысты.

http://assembly.kz/kk/press/algys-aytu-kuni