Қостанай облыстық Қазақстан халқы Ассамблеясы этномәдени бірлестіктерінің мүшелері облыстық Достық Үйінде Қазақстан халқы Ассамблеясынан Қазақстан Республикасы Парламенті Мәжілісі депутаттығына үміткер Осин Шамиль Абзалетдиновичпен кездесті. Қарағандыдан келген қонақ қостанайлық азаматтарды толғантатын мәселелермен танысты. 
«Қазақстан халқы Ассамблеясының бейбітшілік пен келісімді нығайтудағы рөлі ерекше. Ассамблея мектебі – менің  қабілеттерімді шыңдаған, туған өлкеме деген сүйіспеншілік сезімді оятқан өмірлік мектеп.    Қазақстан халқы Ассамблеясының беделі арқасында Парламент Мәжілісіне ҚХА атынан 9 депутат сайланады. Олар көпұлтты еліміздің мәдениеті мен көпқырлылығын танытып, әлеуметтік мәселелерді шешу қажеттігін жеткізеді», - дейді Шамиль Абзалетдинович.                                                                                                                                                                                                                                                                                                                                                                                                                                                                                                            
 Кездесу барысында облыстық Қазақстан халқы Ассамблеясының өкілдері педагогтардың құқықтарын бекіту, отбасы туралы заң жобасы, тарих оқулықтарындағы түсініксіз тапсырмалар туралы сұрақтар қойды. Депутаттыққа үміткер барлық мәселелерге назар  аударып, орындалу барысын бақылайтынын жеткізді.