Этномәдени бірлестіктер ардагерлер мен ақсақалдарды Қарттар күнімен құттықтады.
Достық Үйінің ұжымы жыл сайын Қарттар күніне орай аға буын өкілдеріне құрмет көрсетіп, мерекелік концерт ұйымдастыратын. Биыл этномәдени бірлестіктердің мүшелері қарияларға сый-тарту жасауды жөн көрді. 
«Бірлік» әзірбайжан қауымдастығының, «Эребуни» армян этномәдени бірлестігінің, «Асаба» қырғыз этномәдени орталығының, «Асар» белорус-балтық жағалауы халықтары этномәдени бірлестігінің, «Вайнах» шешен-ингуш қауымдастығының, «Шарк» тәжік-өзбек этномәдени бірлестігінің және «Ұлы дала ұрпақтары Қостанай» қоғамдық бірлестігінің өкілдері аға буын өкілдеріне тәтті тағамдар, жеміс-жидектер ұсынып, қамқорлық танытты. Ал, достық үйінің қызметкерлері қарияларға (мекенжайлары бойынша) сый-тартуларды жеткізіп, игі тілектерін жаудырды.  
«Жаңғыру жолы» жастар қоғалысының өкілдері саябақта серуендеп жүрген ата-әжелерді мерекемен құттықтап, раушан гүлдерін сыйлап, көңілдерін көтерді.